Sunday, November 22, 2009

Saturday, November 21, 2009

સચિન તેંડુલકર




ક્રિકેટરોય સચિન તેંડુલકરની વાત કરે ત્યારે કેવી સાહિત્યિક ઊંચાઈ લાવી શકે છે ?

મેથ્યૂ હૅડન : મેં પરમેશ્વરને જોયા છે. એ ઇન્ડિયામાં ચોથા ક્રમે બૅટિંગ કરવા આવે છે.

ઍન્ડી ફલાવર :  દુનિયામાં બે જ પ્રકારના બૅટસમૅનો હોય છે. એક સચિન જેવા અને બે, બાકીના બધા.

વકાર યુનિસ : દાદાજીની લાકડી વડે પણ સચિન પેલો લૅગ-ગ્લાસ રમી શકે છે.

માર્ક ટેલર : અમે ચૅન્નઈની ટેસ્ટ (૧૯૯૭) ભારત નામના દેશ સામે નહોતા હાર્યા....સચિન નામના માણસ સામે હાર્યા હતાં.

હાશિમ અમલા : ઇન્ડિયાના કોઇ વિમાનમાં તમે બેઠા હો, એમાં સચિન પણ હોય, તો કોઈ તમારો વાળ પણ વાંકો ન કરી શકે !
(અશોક દવેની બુધવારની બપોરેની સિક્સર ૧૮/૧૧/૨૦૦૯ )

અને  બીજા કેટલાકના પણ..

અબ્દુલ કાદીર: મારા શ્રેષ્ઠ કાર્યકાળ દરમિયાન દુનિયાના બેસ્ટ બેટ્સમેન મારા બોલને મારતા પહેલા બે વાર વિચારતા એ સમયે જયારે મેં સચિનને લલકાર્યો  અને એમણે જે રીતે મારો પડકાર ઝીલ્યો ત્યારે જ મને એમનામાં સ્પેશીયલ બેટ્સમેનના દર્શન થઈ ગયા હતા.

સ્ટીવ વોઘ: સદીમાં એકાદ જ સચિન પાકે. એ અમારા સમયનો બ્રેડમેન છે. તમારા નાક પાસેથી મેચ એકદમ ઝડપથી છીનવી શકે છે.


કરુણ ચંડોક (ફેમસ રેસર) : એમના એફ૧ રેસના જ્ઞાનથી હું વિસ્મય પામું છું.

નારાયણ કાર્તિકેયન ( ફેમસ રેસર): મારી સ્પોર્ટ્સ કેરિયરના દરેક નિર્ણય એમની સલાહથી લઉં છું.

કિરણ મોરે: એમને ઉંઘમાં પણ અપીલ કરતા સાંભળ્યો છે.

મનોજ તિવારી:  મારી ઇન્જરી વખતે મને ડોક્ટર તો સજેસ્ટ કર્યા જ પણ સાથે સાથે લંડનની ટિકિટનું અરેન્જમેન્ટ પણ કરી આપ્યું.

અમિતાભ બચ્ચન : અમારું શુટિંગ બંધ રાખીને પણ  સચિનને રમતો જોયો છે.

દીપ દાસગુપ્તા:  ત્રીનીદાદમાં સચિન,  એસ એસ દાસ અને હું ટેક્સીમાં જતી વેળાએ સચિન કેબ જોડે વાત કરતો હતો અને પૂછ્યું ક્રિકેટ ગમે છે ? ફેવરીટ ક્રિકેટર કોણ છે ? કેબે કહ્યું સચિન તેંદુલકર. અમે બધા હસી પડ્યા.

પ્રવીણ આમરે : સચિન ૧૨ વર્ષનો હતો ત્યારે અમે પહેલી વખત મળ્યા હતા. અમારા સર રમાકાંત આચરેકરે ભાગ્યે જ કોઈના વખાણ કરતાં, બે સારા શબ્દો સાંભળવા અમારો દમ નીકળી જતો. તેન્દુલકરને એમણે પહેલા જ દિવસે કહેલ આ છોકરો ખુબ મોટી સિદ્ધિ મેળવશે.


સચિન તેડુલકર: કૈફું ( મહમ્મદ કૈફ), મેદાનમાં આટલું ફાસ્ટ ના દોડ. તું અહીં કાર્લ લુઇસ બનવા નથી આવ્યો પણ મીડલમાં આવી સારો સ્કોર કરવા છે.

( આ વેબસાઈટ  પરથી સાભાર)








Wednesday, November 11, 2009

બે સુંદર ગુજરાતી વેબસાઈટસ



આ બ્લોગના નિયમિત વાંચકોને ખ્યાલ જ છે કે મને દિવ્ય ભાસ્કરની વેબ આવૃત્તિથી કેટલી અરુચિ  હતી. છાશવારે મારા બ્લોગના છાપરે આ વેબસાઈટ ચડતી રહી છે. કારણ માત્ર એટલું જ કે ગુજરાતના સૌથી વધુ વંચાતા છાપાઓમાના  એક છાપાની આટલી કંગાળ વેબસાઈટ? અને છાપું અને ઈન્ટરનેટ બેય આમતો  મારા રસના (બીજા ઘણા પણ  છે ) વિષયો છે. માટે મારો બળાપો થોડો વધુ હશે. જો કે ગુજરાત સમાચારની વેબસાઈટ કઈ વખાણવા લાયક નથી પણ એટલી સમસ્યાજનક પણ નથી.   પણ મારી સમસ્યાનો હલ લગભગ આવી ગયો છે. દિવ્ય ભાસ્કરની નવી વેબસાઈટ કાલે જોઈ અને ખરેખર ખુબ સુંદર બનાવી છે ! અભિનંદન - લગતા વળગતા બધાને ! (જો કે આનાથી કન્ટેન્ટની ભૂલોમાં ફેર નહિ પડે! અને હવે  ફોટાઓને યોગ્ય માપ અને રીઝોલ્યુંશનમાં મુકવા રહ્યા. )




ગુજરાતી ભાષાના શબ્દકોશને આધુનીક શબ્દોથી ( કે જે ગુજરાતી ભાષા જોડે ઓતપ્રોત થઇ ગયા છે ) સજ્જ કરવા લોકકોશની વેબસાઈટ પણ તાજેતરમાં જ લોન્ચ થઇ છે. પ્રજા ભાગીદારીના સિધ્ધાંત પર કામ  કરતી કદાચ પહેલી સહેતુક ગુજરાતી વેબસાઈટ હશે. હવે આપના પર છે કે હેતુ કેટલો સફળ બનાવીએ છીએ. પણ ખુબ  અભિનંદનીય કાર્ય થયું છે. હવે આ સાઈટના કેટલાક અવરોધક પાસા કે જે સુધારવામાં આવે તો મોટી રાહત થઇ શકે. એક, સાઈટ બધા બ્રાઉઝરમાં ટેસ્ટ થઇ લાગતી નથી. આઈ ઈના અમુક વર્ઝનમાં લુક ઢંગ-ધડાવગરનો થઇ જાઈ છે. બે, શબ્દોનું સિલેકશન એટલું સારું, અને તટસ્થ નથી. પણ મને લાગે છે કે હજી શરૂઆત છે એટલે કદાચ આ પ્રશ્નો હોય પણ લર્નિંગ કર્વ પત્યા પછી બધું બરાબર થઇ જાય.  જો તમનેઆ સાઈટ ગમે તો એક ફિલ્મ ઓછી જોઈ, ત્રણ કલાક આ સાઈટમાં શબ્દો ઉમેરવા અથવા એક ટીકીટના પૈસા આ સાઈટને  ડોનેટ કરી મદદરૂપ થઈએ તો કેવું?

Sunday, November 8, 2009

દિલ પુછે છે મારું ...


દિલ પુછે છે મારું, અરે દોસ્ત તું ક્યાં જાય છે?
જરાક તો નજર નાંખ, સામે કબર દેખાય છે.

ના વ્યવહાર સચવાય છે, ના તહેવાર સચવાય છે;
દિવાળી હોય કે હોળી, બધુ ઑફિસમાં ઉજવાય છે.
આ બધુ તો ઠીક હતું પણ હદ તો ત્યાં થાય છે,
લગ્નની મળે કંકોત્રી ત્યાં સિમંતમાં માંડ જવાય છે.
દિલ પુછે છે મારું, અરે દોસ્ત તું ક્યાં જાય છે?

પાંચ આંકડાના પગાર છે, પણ પોતાના માટે પાંચ મીનીટ પણ ક્યાં વપરાય છે?
પત્નીનો ફોન બે મીનીટમાં કાપીએ પણ ક્લાયંટના કોલ ક્યાં કપાય છે? 
ફોનબુક ભરી છે મિત્રોથી, પણ કોઇનાય ઘેર ક્યાં જવાય છે?
હવે તો ઘરના પ્રસંગો પણ હાફ-ડેમાં ઉજવાય છે.
દિલ પુછે છે મારું, અરે દોસ્ત તું ક્યાં જાય છે?

કોઇને ખબર નથી આ રસ્તો ક્યાં જાય છે,
થાકેલા છે બધા છતા, લોકો ચાલતા જાય છે.
કોઇકને સામે રુપિયા તો કોઇકને ડોલર દેખાય છે
તમેજ કહો મિત્રો શું આનેજ જીંદગી કહેવાય છે?
દિલ પુછે છે મારું, અરે દોસ્ત તું ક્યાં જાય છે?

બદલતા આ પ્રવાહમાં આપણા સંસ્કાર ધોવાય છે,
આવનારી પેઢી પૂછશે કે સંસ્કૃત્તિ કોને કહેવાય છે?
એક વાર તો દિલને સાંભળો, બાકી મન તો કાયમ મુંજાય છે.
ચાલો જલ્દી નિર્ણય લઇએ, મને સમય હજુય બાકી દેખાય છે.

દિલ પુછે છે મારું, અરે દોસ્ત તું ક્યાં જાય છે?
જરાક તો નજર નાંખ, સામે કબર દેખાય છે.

{ Forwarded, if you know the source let me know! }