ચંદ્રયાન-૧ની સફળ યાત્રા

આપણે ચંદ્ર પર પગલા પાડી દીધા છે! અને ત્યાં પણ થોડા (૧૦૦-૨૦૦ વર્ષોમાં) સમયમાં 'લિટલ ઈન્ડિયા' જોવા ના મળે તો નવાઈ! તમે ઘણા છાપાઓમાં વાંચ્યુ હશે કે આપણો તિરંગો હવે ચાંદામામા પર લહેરાયો વગેરે.. પણ હકીકત થોડી જુદી છે. ઇમ્પૅકટ પ્રોબની સપાટી પર રંગેલો આપણો ધ્વજ ભાગ્યે જ 'ધ્વજ'ની હાલતમાં હશે. જ્યારે આ ઇમ્પૅકટ પ્રોબ ચંદ્રની સપાટી પર ધસ્યુ ( સ્પર્શ નહિં, ૫૪૦૦ કિ.મિ. પ્રતિ કલાકની રફતારથી કોઈ પદાર્થ કોઈ સપાટીને સ્પર્શી શકે નહિ!!) એટલે સ્વાભાવિકપણે ઈમ્પૅકટ પ્રોબની બોડિ પર ઈમ્પૅકટ થાય અને માટે એનો શેપ પણ બદલાય અને ટૂકડા પણ ઊડે (યાદ છે કોલંબિયા શટલની ટાઈલ્સ.. ?) એટલે આપણા ધ્વજનો આકાર કે સંપૂર્ણતા વિષે સાયન્ટીસ્ટસ પણ કશુ કહી શકે તેમ નથી, પણ મીડિયાનો આ રાગ આપણી દેશદાઝ વધારે છે એટલે કોઈ નુકશાન નથી, ઘી ખીચડીમાં છે ત્યાં સુધી!
Image and Input Source: The Telegraph