ગુજરાતી ઈ-સાહિત્યના દસ વરતારા

આ વરતારા અમારા પોપટની મદદથી લેવાયા છે એટલે કોય માથે ના ઓઢે, પણ અમારી જોડે ખુશ થાય કે જોડે તમારું માર્કેટિંગ પણ થાય જ છે !

૧, જય વસાવડાએ એની સાઈટ જયવસાવડા.કોમનું ડોમેઈન બુક કરાવી લીધું છે ! એક જક્કાસ સાઈટ આવી રહી છે વાઝતે ગાઝતે ! ચાલો લખો હવે નહિ તો ડોમેઇન એક્સપાઈર થઇ જશે dear જય!

(  Creation Date: 12-sep-2007, Updated Date: 08-sep-2008,
 Expiration Date: 12-sep-2009 )

૨, હવે છાપાઓની જેમ વેબસાઈટો પર પણ ગુજરાતની નંબર વન સાઈટની સ્પર્ધા જામશે! અને દરેક દેરા પર આવું બોર્ડ વાંચેલું જોવા મળશે!
૩, ગુજરાતી મોટા ભાગના છાપા ફાઈરફોકસ બ્રાઉઝરમાં ચાલતા નથી અથવા બરાબર ચાલતા નથી, નજીકના ભવિષ્યમાં આ લોકોને આ વાતની જાણ થશે!
૪, ઊંઝા જોડણીવાળા એના બ્લોગનો પ્રચાર ઇમેઇલ લખીને કરે છે એવી જ તરકીબો અમુક આ જોડણીનો વિરોધ કરનારા અને અન્ય વર્ગના બ્લોગો પણ કરતા જોવા મળશે!
૫, નજીકના ભવિષ્યમાં કોઈ બ્લોગર પોતા પર જ બીજાની મારફતે અથવા તો ખરેખર કોઈ સાચો કવિ/લેખક કોઈ બ્લોગર પર કોપીરાઈટ કેસ કરતો જોવા મળશે અને એ સમાચાર છાપાઓમાં પણ આવશે! બંનેનું માર્કેટિંગ ખુબ જોર શોરથી થશે !
૬, ઘણા બ્લોગરો પોતાના બ્લોગને 'બ્લોગ' તરીકે ઓળખાવવા તૈયાર નથી અને કદાચ સંપૂર્ણ સાઇટ અથવા સંપૂર્ણ પોર્ટલ સમજે છે એમને હવે ધીમે ધીમે સમજાશે ભેદ આ બધા વચ્ચેનો.
૭, ઊંઝા જોડણીવાળા હવે જરૂર પડ્યે ગુજરાતી જોડણી પણ લખશે ! સાર્થ જોડણીવાળા જરૂર પડ્યે ઊંઝા જોડણી લખતા જ આવ્યા છે!!
૮, ગુજરાતી બ્લોગીંગની સફળતા જોઈ છાપાઓ બ્લોગને લગતી કોલમો ચાલુ કરશે! તમારો બ્લોગ સારો હશે તો છાપામાં પણ છપાશે !
૯, મારા બ્લોગનું રહસ્ય કે મારી બ્લોગ કથની કે એવા જ કોઈ મુદ્દા સાથે તૈયાર થયેલી બુક પણ છપાશે ! જે હીટ સાબિત થશે. ( કોઈ ટેક્નોક્રેટ એની આત્મકથા લખશે તો તે પણ હીટ જશે. ) જે મુખ્યતવે એમણે લખેલા બ્લોગને બુકમાં વિષયવાર ગોઠવીને બનેલ હશે. ટૂંકમાં બ્લોગર કમ રાઈટર બનતા જોવા મળશે ! સાહિત્ય પરિષદ એમને માન્ય લેખક ગણાશે કે કેમ એ વિષે તકલીફો સર્જાય શકે છે! બગલ થેલા ને બદલે લેપટોપ બેગ લઇ ને રખડશે ! (લેપટોપ રીટેઈલ સેકટરમાં પણ ભાડે મળતા થશે.)
૧૦, કોપી પેસ્ટ નું દુષણ ચાલુ રહેશે અને લાંબા ગાળે એના મૂળ લેખકને વધુ ફાયદો કરાવશે.

આ વરતારા અમારા પોપટે ભલે મજાકના સુરમાં કર્યા હોય, પણ એમની સચ્ચાઈ તમને આવતા વર્ષોમાં દેખાશે ! જો જો અમારા પોપટને ભૂલી જતા નહિ! ફી એક વિઝીટના માત્ર પાંચ ડોલર! ઉપરનામાંથી કોઈ પણ કામ કરાવવું હોય તો પણ મળો, તમારું મોઢું જોયા પછી વાજબી ફી લેશું ( ડોકટરો ની જેમ !) !